கயற்கொடி கொண்ட கண்ணாளன்

கனிக்குள் சிறைகொண்ட விதையாய்
நின் மார்பில் மலர்ந்த
தாரகையின் தளிர்கரம் பற்றிட நாளாகுமோ …?

சேற்றில் சிக்கிய களிறெனவே
பாலையிலே வெண்ணையாய்
உருகுகிறாள் பாவை

மழைகண்ட மயிலாய் தோகையாள்
நிலை கண்டு கல்லும்

கசிந்துருகி அலைபுரண்டு ஓடுதையா
முகில்கொண்டு நாணம் துடைக்கும்
நிலவழகி நிலைகண்டு
கடல்குளித்த முத்தும் வண்ணம் மாறியதோ ?

கெண்டையிடம் சிக்கிய துண்டில்
புழுவாய் இடை சிறுத்து
இமைமெலிந்து விட்டாள்

கடைவிழியோரம் காதலெல்லாம் 

சேர்த்து வைத்து காத்திருக்கும்
வஞ்சியின் வாடை தாங்கிய
மடல் கண்டதும்…

கயற்கொடி கொண்ட கண்ணாளன்
வருவனோ ? படைதிரட்டி

- காதலுடன் பூங்குழலி