காதலுடன் பூங்குழலி

இல்லாத இடை கொண்டு
இலக்கியங்கள் நானெழுத
எம் இதயத்தை ஆட்கொண்டு
இப்பொழுதை உனதாக்கி
பசியாற காத்திருக்கும்
என் காதல் பாவலனே

பாவையிவள் செங்கழுத்தில்
பொன் நாண் பூட்டி
செவ்விதழில் செந்தமிழ்லேந்தி
கடைக்கண்ணில் காதல் மின்ன
கருவிழியில் வாளேந்தி
கைகளிலே பனிப்பூவேந்தி
மேனியெல்லாம் மருதாணி நிறம் தாங்கி

உம் கவிதையிலே கருத்தாகி
கனவினிலே சுந்தரியாய்
உம் காதலிலே காவியமாய்
மென்மையிலே தென்றலை போலே
எம் பெண்மை தாங்கி
மேகநிலவின் மோகம் தாங்கி
தவிக்கின்ற உம் நெஞ்சினிலே
யாம் தஞ்சம் கொள்ள வேண்டும்
நீர் வாளெடுத்து வெல்வீரோ
இல்லை எம் விழி வில்லில் வீழ்வீரோ

காதலுடன் பூங்குழலி