(ஸ்ரீ விஜய) தமிழ் புத்தாண்டு வாழ்த்துக்கள்

யுகங்கள் பல கடந்தும் இன்னும்
மெரு குறையாமல் புடம்போட்ட 
தங்கமென இளமையுடன் வலம் வருகிறாள்
உனக்கும் காதலி எனக்கும் காதலி

உன்னுள்ளும் வாழ்கிறாள் என்னுள்ளும் வாழ்கிறாள்
ஆனாலும் இன்னும் கன்னியவள்
மொழியாகி ,இசையாகி ,எழுத்தாகி
முக்கனியை சுவைக்க தந்தவள்

கன்னியாய் ,குழந்தையாய் ,அன்னையாய் ,
தந்தையாய் என் கவிதையின் வடிவம் அவள்
பாரெல்லாம் போற்றும் கவிதாயினி
அவளே நம்மையெல்லாம்
இணையத்தில் இணைத்தவள்
நம் அன்னை தமிழ் அன்னை

எத்திக்கும் வாழும் தமிழ் உறவுகளுக்கு
எம் உளங்கனிந்த தமிழ் புத்தாண்டு வாழ்த்துக்கள் ..!!

காதலுடன் பூங்குழலி !!!